Popular News • Latest News • Kerala • Trending News • dontmiss

നവകേരള മര്‍ദനം: നീതി തേടി യുഡിഎഫ്; കുറ്റക്കാര്‍ക്കെതിരെ കുരുക്ക് മുറുകുന്നു; കേസില്‍ യുഡിഎഫിന്റെ നിര്‍ണായക നീക്കം

Senior Correspondent

May 07, 2026

1 min read

നവകേരള മര്‍ദനം: നീതി തേടി യുഡിഎഫ്; കുറ്റക്കാര്‍ക്കെതിരെ കുരുക്ക് മുറുകുന്നു; കേസില്‍ യുഡിഎഫിന്റെ നിര്‍ണായക നീക്കം

16 views

നവകേരള യാത്രയ്ക്കിടെ ആലപ്പുഴയില്‍ വെച്ച് കെഎസ്യു, യൂത്ത് കോണ്‍ഗ്രസ് പ്രവര്‍ത്തകര്‍ക്ക് ക്രൂരമായ മര്‍ദനമേറ്റ സംഭവത്തില്‍ പുനരന്വേഷണം നടത്താന്‍ യുഡിഎഫ് സര്‍ക്കാര്‍ തീരുമാനിച്ചു. 2023 ഡിസംബര്‍ 15-ന് ആലപ്പുഴ ജനറല്‍ ആശുപത്രി ജംക്ഷനില്‍ വെച്ചായിരുന്നു പ്രതിഷേധക്കാര്‍ക്ക് നേരെ മുഖ്യമന്ത്രിയുടെ സുരക്ഷാ ഉദ്യോഗസ്ഥര്‍ ആക്രമണം നടത്തിയത്. നിയമസഭാ തിരഞ്ഞെടുപ്പില്‍ ആലപ്പുഴയില്‍ നിന്ന് വിജയിച്ച കെഎസ്യു നേതാവ് എ.ഡി. തോമസ് ഉള്‍പ്പെടെയുള്ളവര്‍ക്കാണ് അന്ന് പരിക്കേറ്റത്.

നേരത്തെ ഈ കേസില്‍ മുഖ്യമന്ത്രിയുടെ ഗണ്‍മാന്‍ അനില്‍കുമാര്‍, സുരക്ഷാ ഉദ്യോഗസ്ഥന്‍ സന്ദീപ് എന്നിവര്‍ കുറ്റം ചെയ്തിട്ടില്ലെന്ന് കാണിച്ച് ക്രൈം ബ്രാഞ്ച് കോടതിയില്‍ റിപ്പോര്‍ട്ട് നല്‍കിയിരുന്നു. ഉദ്യോഗസ്ഥര്‍ തങ്ങളുടെ ഔദ്യോഗിക കൃത്യനിര്‍വഹണത്തിന്റെ ഭാഗമായുള്ള സുരക്ഷാ നടപടികള്‍ മാത്രമാണ് സ്വീകരിച്ചതെന്നായിരുന്നു അന്നത്തെ റിപ്പോര്‍ട്ട്. എന്നാല്‍ ഈ റിപ്പോര്‍ട്ട് തള്ളിക്കൊണ്ടും കുറ്റക്കാര്‍ക്കെതിരെ കര്‍ശന നടപടി ഉറപ്പാക്കാനുമാണ് നിലവില്‍ യുഡിഎഫ് ലക്ഷ്യമിടുന്നത്.

പൊലീസിന്റെ ഭാഗത്തുനിന്നുണ്ടായ വീഴ്ചകളും മര്‍ദനത്തിന്റെ ദൃശ്യങ്ങളും പുനഃപരിശോധിച്ച് കൃത്യമായ തെളിവുകളുടെ അടിസ്ഥാനത്തില്‍ മുന്നോട്ട് പോകാനാണ് തീരുമാനം. രാഷ്ട്രീയ പ്രേരിതമായ അന്വേഷണമല്ല, മറിച്ച് നീതി ഉറപ്പാക്കാനുള്ള നടപടിയാണ് ഇതെന്ന് യുഡിഎഫ് വൃത്തങ്ങള്‍ സൂചിപ്പിക്കുന്നു.