ആർക്കൊക്കെ ഏത് വകുപ്പ്?; വകുപ്പ് വിഭജനം പൂർത്തിയായി; പുതിയ മന്ത്രിമാരുടെ വകുപ്പ് വിഭജന പട്ടിക പുറത്തുവിട്ട് മുഖ്യമന്ത്രി

Jaihind TV Web Desk

May 20, 2026

1 min read

ആർക്കൊക്കെ ഏത് വകുപ്പ്?; വകുപ്പ് വിഭജനം പൂർത്തിയായി; പുതിയ മന്ത്രിമാരുടെ വകുപ്പ് വിഭജന പട്ടിക പുറത്തുവിട്ട് മുഖ്യമന്ത്രി

പുതിയ സംസ്ഥാന മന്ത്രിസഭയുടെ വകുപ്പ് വിഭജന ചർച്ചകൾ പൂർത്തിയായതായി മുഖ്യമന്ത്രി വാർത്താസമ്മേളനത്തിൽ അറിയിച്ചു. സത്യപ്രതിജ്ഞ ചടങ്ങ് നടന്ന ദിവസം രാത്രി തന്നെ വകുപ്പുകൾ സംബന്ധിച്ച അന്തിമ തീരുമാനമായിരുന്നു. ഗവർണർ സ്ഥലത്തില്ലാത്തതിനാൽ ഇന്ന് രാവിലെയാണ് വകുപ്പുകൾ അടങ്ങിയ ഔദ്യോഗിക പട്ടിക രാജ്ഭവന് കൈമാറിയതെന്ന് മുഖ്യമന്ത്രി തിരുവനന്തപുരത്ത് മാധ്യമങ്ങളോട് വ്യക്തമാക്കി. പുതിയ പട്ടിക പ്രകാരം ഫിഷറീസ് വകുപ്പ് മുസ്‌ലിം ലീഗ് തന്നെയാണ് കൈകാര്യം ചെയ്യുക.

പ്രധാന വകുപ്പുകൾ ഇങ്ങനെ

കെ. മുരളീധരന് സുപ്രധാനമായ ആരോഗ്യ-ദേവസ്വം വകുപ്പുകൾ ലഭിച്ചപ്പോൾ, പി.കെ. ബഷീർ പൊതുമരാമത്ത് വകുപ്പും അനിൽ കുമാർ റവന്യൂ വകുപ്പും കൈകാര്യം ചെയ്യും. കെ.എം. ഷാജിക്കാണ് തദ്ദേശ ഭരണ വകുപ്പിന്റെ ചുമതല. സണ്ണി ജോസഫ് വൈദ്യുതി വകുപ്പും, പി.സി. വിഷ്ണുനാഥ് ടൂറിസം, സാംസ്കാരികം, സിനിമ വകുപ്പുകളും നയിക്കും.

മന്ത്രിമാരും അവരുടെ വകുപ്പുകളും

മന്ത്രി	കൈകാര്യം ചെയ്യുന്ന വകുപ്പുകൾ
കെ. മുരളീധരൻ	ആരോഗ്യം, ദേവസ്വം
വി. ഇ. അബ്ദുൾ ഗഫൂർ	ഫിഷറീസ്
അനിൽ കുമാർ	റവന്യൂ
പി. കെ. ബഷീർ	പൊതുമരാമത്ത് (PWD)
കെ. എം. ഷാജി	തദ്ദേശ സ്വയംഭരണം (LSGD)
സണ്ണി ജോസഫ്	വൈദ്യുതി
പി. സി. വിഷ്ണുനാഥ്	ടൂറിസം, സാംസ്കാരികം, സിനിമ
ബിന്ദു കൃഷ്ണ	തൊഴിൽ
എൻ. ഷംസുദീൻ	പൊതുവിദ്യാഭ്യാസം, ന്യൂനപക്ഷ ക്ഷേമം, ഹജ്ജ്
എം. ലിജു	സഹകരണം, എക്സൈസ്
സി. പി. ജോൺ	ഗതാഗതം
ടി. സിദ്ദിഖ്	കൃഷി
അനൂപ് ജേക്കബ്	സിവിൽ സപ്ലൈസ്
തുളസി	പിന്നാക്ക ക്ഷേമം
ഒ. ജെ. ജനീഷ്	യുവജന ക്ഷേമം