Popular News | Latest News | Kerala | Trending News | dontmiss

"യു.ഡി.എഫ് ചരിത്രത്തിലെ ഏറ്റവും മികച്ച ടീം"; മന്ത്രിമാരുടെ കാര്യത്തിൽ നാളെ വ്യക്തത വരുമെന്ന് കെ.സി വേണുഗോപാൽ

Senior Correspondent at Jaihind News

May 17, 2026

1 min read • Updated: May 18, 2026

"യു.ഡി.എഫ് ചരിത്രത്തിലെ ഏറ്റവും മികച്ച ടീം"; മന്ത്രിമാരുടെ കാര്യത്തിൽ നാളെ വ്യക്തത വരുമെന്ന് കെ.സി വേണുഗോപാൽ

പുതിയ യു.ഡി.എഫ് ഗവൺമെന്റിന്റെ സത്യപ്രതിജ്ഞ നാളെ രാവിലെ 10 മണിക്ക് നടക്കാനിരിക്കെ, മന്ത്രിസഭയിലെ അംഗങ്ങൾ ആരാണെന്ന കാര്യത്തിൽ പൂർണ്ണമായ വ്യക്തത വരുമെന്ന് എ.ഐ.സി.സി ജനറൽ സെക്രട്ടറി കെ.സി വേണുഗോപാൽ. യു.ഡി.എഫിന്റെ ചരിത്രത്തിലെ തന്നെ ഏറ്റവും പ്രഗത്ഭരായ നേതാക്കൾ ഉൾപ്പെടുന്ന ഒരു മികച്ച ടീമായിരിക്കും ഈ മന്ത്രിസഭയിൽ അണിനിരക്കുകയെന്നും അദ്ദേഹം ആലപ്പുഴയിൽ മാധ്യമങ്ങളോട് സംസാരിക്കവെ വ്യക്തമാക്കി. ജനങ്ങളുടെ വലിയ പ്രതീക്ഷകൾ പൂർണ്ണമായും ഉൾക്കൊണ്ട് നാടിന്റെ വികസനത്തിനായി ഒത്തൊരുമയോടെ മുന്നോട്ടുപോകാൻ ഈ പുതിയ ഭരണസംവിധാനത്തിന് സാധിക്കുമെന്നും അദ്ദേഹം പ്രത്യാശ പ്രകടിപ്പിച്ചു. അനാവശ്യമായ തർക്കങ്ങൾക്കോ വിവാദങ്ങൾക്കോ വഴിമാറാതെ ജനകീയ പ്രശ്നങ്ങൾക്ക് മാത്രം പ്രാധാന്യം നൽകുന്ന ഒരു നല്ല ഗവൺമെന്റായിരിക്കും ഇതെന്നും വേണുഗോപാൽ കൂട്ടിച്ചേർത്തു.

ഒരു പുതിയ സർക്കാർ അധികാരത്തിൽ വരുമ്പോൾ ജനങ്ങൾ ഏറെ പ്രതീക്ഷയോടെയാണ് അതിനെ നോക്കിക്കാണുന്നത്. അതുകൊണ്ടുതന്നെ നാടിന്റെ മാറ്റത്തിനും ജനക്ഷേമത്തിനുമായി വികസനപ്രവർത്തനങ്ങൾ കൃത്യമായി നടപ്പിലാക്കാൻ പുതിയ ഗവൺമെന്റിന് ആവശ്യമായ സമയം നൽകേണ്ടതുണ്ട്. പരസ്പര ബഹുമാനത്തോടെയും ഐക്യത്തോടെയും മുന്നോട്ടുപോകുന്ന ശക്തമായ ഒരു മുന്നണിയാണ് യു.ഡി.എഫ്. ജനങ്ങൾക്ക് നൽകിയ വാഗ്ദാനങ്ങൾ പാലിക്കാൻ മുന്നണിക്ക് സാധിക്കും. പ്രത്യേകിച്ച് ആലപ്പുഴയുടെ വികസന കാര്യങ്ങളിലും, ജില്ലയുടെ നഷ്ടപ്പെട്ട പ്രതാപം തിരിച്ചുപിടിക്കുന്നതിലും മുന്നിൽ നിന്ന് പ്രവർത്തിക്കാൻ താൻ വ്യക്തിപരമായി പ്രതിജ്ഞാബദ്ധനാണെന്നും കെ.സി വേണുഗോപാൽ പറഞ്ഞു.